Siljan myndbandasamkeppni

Siljan myndbandasamkeppni er árviss samkeppni á vegum Barnabókaseturs. Markmið hennar er að efla lestraráhuga barna og unglinga. Keppnin er tilvalið verkefni fyrir fjarkennslu og heimaskóla því nemendur vinna sjálfstætt með bókmenntir, sköpun og tækni.
Barnabókasetur Íslands og Borgarbókasafnið í Reykjavík standa að keppninni í ár. Markmiðið er að auka áhuga barna og unglinga á bóklestri með því að beina sjónum þeirra að nýjum barnabókum og gera krakkana sjálfa að jákvæðum lestrarfyrirmyndum.
Allir grunnskólanemendur í 5.-10. bekk geta tekið þátt með því að senda inn 2-3 mínútna myndband um barna- eða ungmennabók á íslensku sem gefnar hafa verið út á íslensku síðastliðin tvö ár. Myndböndin úr fyrri keppnum eru aðgengileg á youtube og á leitarvef bókasafnanna, gegnir.is

Verkefnið er einfalt:
Velja bók – lesa bók – taka upp myndband á síma eða ipad (snúa þversum). Vista myndbandið á netinu (takmarka aðgengi). Senda slóðina á barnabokasetur@unak.is með upplýsingum um nafn, bekk og skóla höfunda og netfang forráðamanna. Verðlaun eru veitt í tveimur flokkum: 5.-7. bekk og 8.-10. bekk. Einnig fá skólabókasöfn verðlaunaskólanna veglega inneign til bókakaupa.