Siljan myndbandasamkeppni

Siljan myndbandasamkeppni er árviss samkeppni á vegum Barnabókaseturs. Markmið hennar er að efla lestraráhuga barna og unglinga. Keppnin er tilvalið verkefni fyrir skapandi skólastarf því nemendur vinna sjálfstætt með bókmenntir, sköpun og tækni.
Barnabókasetur Íslands og Borgarbókasafnið í Reykjavík standa að keppninni í ár. Markmiðið er að auka áhuga barna og unglinga á bóklestri með því að beina sjónum þeirra að nýjum barnabókum og gera krakkana sjálfa að jákvæðum lestrarfyrirmyndum.

Allir grunnskólanemendur í 5.-10. bekk geta tekið þátt með því að senda inn 2-3 mínútna myndband um barna- eða ungmennabók sem gefin var út nýlega á íslensku. Myndböndin úr fyrri keppnum eru aðgengileg á youtube og á leitarvef bókasafnanna, gegnir.is

Verkefnið er einfalt:
– Velja bók og lesa hana
– Taka upp myndband á síma eða ipad (snúa þversum) sem fjallar um eða túlkar efni bókarinnar á þinn/ykkar hátt.
– Myndbandið er sett á netið (til dæmis Youtube) og slóðin send á barnabokasetur@unak.is – ásamt upplýsingum um nafn, bekk og skóla höfunda myndbandsins. Skilafrestur er til 30. apríl 2024.

Vegleg verðlaun fyrir vinningsmyndbönd úr báðum flokkum

Við áskiljum okkur rétt til að birta verðlaunamyndböndin á vefnum okkar.

Velja má hvaða barna- eða ungmennabók sem er, sem gefin hefur verið út nýlega á íslensku.

Fyrri úrslit í Siljunni